ŞİİRLER

LAZİ DO NENA MUŞİ                                       

 

Ar nena, ar k’oçi. 

Jur nena, jur k’oçi.

Vit nena,  vit k’oçi.

Lazuri nena, k’arta k’oçi.

 

Ar k’oçi, ar nosi.

Jur k’oçi, jur nosi.

Vit k’oçi, vit nosi.

Lazi k’oçi, mteli nosi.

 

Ar nosi oxmaru şeni,

Jur nosi meçamu şeni,

Vit nosi ortu şeni,

Laziş nosi iri şeni.

-26/ 06/ 2012  M. Yılmaz AVCI

 

 

N A D İ B A D A S E N   B E R E S

 Epçi!

Kodiqondi ç’e biç’i.

Nosis megant’alas do

Soti ak varkomoxta!

Aman haaa…

Soti gzas vargedgita.

 Fuk’aras korba muşi,

Zenginis toli muşi,

Varaz’ğen çkar mututen.

Ak mu z’iraginon sanki!

Varoz’ğapuşen met’i.

 

Mendeburi kiyanas

ixelap ya sin soti vargaçkinas.

Tolepe varkogon3’k’a!

Koninz’gipi qucepes,

Vardibada ç’e bere!

Ak skidala muç’o ptkva..

 

Epçi!

Sti ak varkomoxta!

Varkomoxta ar memşvenusnoqup do.

Guris vardilingona.

 Ar k’ai nisimadi.

Arçkva fara xolo konisimadi.

Namoxtespe igzales,

Naidespe varmoxtes.

Xerepe k’ai gontxi,

Konobaz’gi k’uçxepe

Sin ekole akole.

Vardibada ç’e bere!

İkaçi do ikaçi,

Nagakaçen k’onai.

1995 M. Yılmaz Avcı